Your only gate for the true earning and paying sites

Recent Posts

Sunday, February 2, 2020

تفعيل البايبال للمصريين

السلام عليكم ورحمة الله وبركاته
في هذا المنشور سأتحدث عن أمر يهم الكثير من المصريين الذين يعملون في الفريلانس أو المواقع الربحية التي تسحب على بنك بايبال خصوصا بعد الشروط التعسفية والرسوم العالية التي وضعها بنك بايونير الذي كان يعتمد عليه الكثير في السحب من بايبال وسأشرح لكم تجربتي الشخصية الكاملة منذ شراء البطاقة وحتى سحب الأموال من عليها وتعاملي مع موظفي البريد الذين لا يعرف أكثرهم شيء عن الفيزا غير بيعها :
تابع الخطوات بالمللي :
  1. قم بتصوير بطاقتك الشخصية عدد 2 صورة ثم توجه لأي مكتب للبريد المصري يقوم بصرف المعاشات وإسأل عن بطاقة فيزا إيزي باي إن كانت متاحة عنده أو يوجهك لمكان أخر تكون متاحة فيه
  2. سيأخذ منك الموظف صورتين البطاقة ومبلغ 10 جنيهات ويخرج لك البطاقة ويسجل بياناتها وبياناتك على كمبيوتر عنده ثم يسلمك البطاقة في ظرف مغلق وهذه العملية لن تأخذ 10 دقائق
  3. قم بالإتصال بعد نصف ساعة برقم خدمة عملاء البريد المصري 16789 وأطلب تفعيل فيزا إيزي باي وسيسألك عن بعض البيانات ويخبرك بنجاح تفعيل البطاقة
  4. قم بالذهاب مرة أخرى لمكتب البريد وأطلب منه شحن رصيد في فيزا إيزي باي وهذا يكون بماكينة POS في مكتب البريد موديل verifone 510 ولو مش موجودة عنده الماكينة دي خليه يوجهك للمكتب إللي موجودة فيه إللي في الغالب بيكون مكتب رئيسي (إحفظ إسم الماكينة علشان أكترهم ميعرفش إن دي هي إللي بتشحن رصيد للفيزا 😂) وأطلب منه شحن رصيدك ب 100 جنيه
  5. في نفس المكتب إسألهم عندكم ماكينة POS بتاعة المعاشات وهيقولك طبعا عندهم لأنهم بيقبضوا معاشات فتقوم زانقه وقوله طيب عايز أفعل تطبيق الأندرويد بتاع الفيزا وياريت تكون محمله قبل كدة (إضغط هنا لتحميل تطبيق إيزي باي للأندرويد) وطبعا هيقولك لوميعرفش إن تفعيل التطبيق عن طريق الإتصال بخدمة العملاء تقوم رادد عليه إنك كلمتهم وقالولك إنها من خلال ماكينة المعاشات
    verifone 520 (خلي بالك إن بتاعة الشحن 510 والمعاشات 520)
  6. طبعا هياخد منك البطاقة يجربها على ماكينة المعاشات ويلاقي إنه ينفع 😁 وهيسألك عن رقم تليفونك المربوط على البطاقة (ودة المفروض إنك إديته للموظف إللي إشتريت منه البطاقة في الأول) وبعد شوية هتوصلك رسالة فيها كود التفعيل فطبعا لازم الكود في التطبيق وتشغل الأبلكيشن في مدة لا تزيد عن ساعة وإلا هيكون الكود غير صالح
  7. بعد كدة هتقعد على حساب بايبال بتاعك وهتعمل ربط فيزا وتحط بيانات الفيزا بتاعتك وهيقولك إنه تم خصم مبلغ 1.5 يورو من الفيزا وبيطلب منك ال bb كود
  8. إفتح التطبيق وشوف المبلغ إتخصم ولا لأ ولو لقيت إنه إتخصم كلم خدمة العملاء تاني على 16789 وأطلب منهم كود ال bb إللي في معاملة خصم ال 1.5 يورو هيديلك كود من 4 أرقام
  9. دخل الكود في بايبال ومبروك كدة الفيزا إتربطت ببايبال
  10. خلي بالك إن لو كنت رابط حاجة تانية ببايبال إما تشيلها أو تخلي فيزا إيزي باي هي وسيلة الدفع المفضلة وتفعل التحويل الأوتوماتيكي عليها وتلغيه من أي حاجة تانية
  11. بايبال بيحول كل المبالغ إللي فيه أول يوم من كل شهر أوتوماتيكيا للفيزا بدون خصم رسوم لكن لو إن عايز تسحب على الفيزا في أي يوم في نصف الشهر فهياخد منك 5$ رسوم
أرجو أن يكون الشرح وافي ومفهوم وأي إستفسار أنا في الخدمة

1 comment:

  1. هل فيه مشاكل حاليا في ربطها مع باي بال؟

    ReplyDelete

من نحن

Earniator is your guide for trusting earning sites

التصنيفات

التسميات

Blogs (4) Crypto (11) discriptions (4) DogeCoin (1) platform (6) Rubles (6) USD (7) Wallets (12) شروحات (9) مقالات (5)

نموذج الاتصال

Name

Email *

Message *